Hom-kontrabando

Hom-kontrabando esas vorto qua uzesas por la nelegal ed organizita kontrabando de homi trans internaciona frontieri. Ofte hom-kontrabandanti agas pro financala profito.

Interpol deskriptas hom-kontrabando en recent informo tale:

   Kontrabandar homi divenis mondo-vasta komerco di kreskanta nombro de kriminala retari, qua konstante plu rafinite laboras por povar transportar kontre konstante plu alta profito konstante plu granda nombri de homi.

Ofte refujanti ed azil-serchanti qui venas de mizeroza cirkonstanci serchas helpo da hom-kontrabandanti od (eufemisme) "voyaj-agenti". Konseque li divenas viktimo de rapto o trompo o mem kontre-yura rapto de libereso ed eskroko e li devas facar l'intencita voyajo sub tre danjeroza cirkonstanci. Kelkafoye la "klienti" di tala hom-kontrabandanti mortas, exemple pro exhausteso o drono.