Histologio

Histologio (de Greka vorti ἱστός "tisuo", e -λογία "studio") esas la brancho di biologio qua studias la mikroskopala anatomio di tisui. Ol esas la kontreparto di anatomio en nivelo celulala. Histologio studias kompozajo, strukturo e rinovigo di tisui, sub mikroskopi.

Studio di histologiala specimeno sub mikroskopo.

Komparo inter sangala celuli de rano, homo, ucelo e fisho.

Ol esas esencala utensilo por biologio e medicino. En paleontologio, ol uzesas por studiar fosila organismi.

Klasifikuro

Existas biologiala diferi inter la tisui de animali planti. Pro to, on povas dicar ke existas du branchi di histologio: la histologio animala e la histologio vejetala.

• La tisui animala klasifikesas en quar tipi: muskulala tisuo, nervala tisuo, epiteliala tisuo e konektanta tisuo (exemple, la celuli de sango).
• La tisui vejetala anke klasifikesas en quar tipi: epidermala tisui, vaskulala tisui, sula tisui (radiki) e meristemala tisui.