Hispan Ido-Societo
Hispan Ido-Societo (konocata kom Ido Societo Hispana til 2024) esas societo fondita ye 2004 di qua skopo esas propagar ed konocigar la internaciona linguo Ido en Hispania ed atingar olua maxima difuzo en la tota mondo, kun specala atenco a la Hispano-parolanta Amerika. Do, la HIS provizas gratuite omna lernili bezonata per la Hispana, e la postulata helpo da la lernanti dil linguo. Ma inter la skopi dil HIS, anke trovesas la kreo di publikaji en Ido, nova literaturo, tradukuri de existanta verki, interretala situi e generale, igar Ido esar singladie plu interesanta linguo por la kustumala vivo.
Ol publikigas la Ido-revuo Adavane.
La Ido Societo Hispana aranjis la Ido-konferi 2016 en Valencia e 2024 en la Hispana chefurbo Madrid.
Historio
redaktarHispan Ido-Societo fondesis en la yaro 1927. Komence dil 30ma yari ol chanjis sua nomo per "Iberiana Federuro dil Amiki dil Internaciona Linguo Ido". Ol des-aparis okazione dil civila milito 1936-1939. Komence dil yari 50 Hispan Ido-Societo ri-fondesis kun la nomo "Hispan Ido-Federuro", til kande en la fino dil yari 60ma la granda evo dil hispan aktiva idisti provokis la des-aparo dil societo. En la yaro 2004 l'olima idisti propozis nova ri-fondo dil asociuro, ma to eventis nur ek la teoriala vido-punto, kun la nomo "Ido Societo Hispana". Nun en 2024 okazione dil Ido-konfero, kelka hispan idisti decidis ri-establisar ja legale la asociuro.