Hexadecimala nombrosistemo

Hexadecimala nombrosistemo o hexadecimala nombrifado (ank dek-e-sisala) es pozicionala nombrosistemo, en qua bazo dil sistemo es nombro '16', e por skribar nombri en la sistemo uzesas dek-e-sis cifri e literi: 0, 1, 2, 3, 4, 5, 6, 7, 8, 9, A, B, C, D, E, F. En kalkulili uzesas vice ke B e D – b e d.

Simile a sistemi oktala e quaternara lo es forte ligata kun binara nombrosistemo.

Exemple: 4 294 967 295₁₀ = FFFF FFFF₁₆

Adresi IP (versiono 6) uzesas per pozicionala nombrifado hexadecimala, egz. 3ffe:0902:0012:0000:0000:0000:0000:0000/48

Skribado di nombri dek-e-sisale en programifo-lingui eventis multmaniere:

• Python, C / C++ / C#, Java – per prefixo 0x, egz. 0x102f.
• Pascal – per prefixo $, egz. $102f.
• Asemblolinguo – per sufixo h, egz. mov rax, 02h.

Kolori en merkala linguo HTML skribesas kom tri nombri dek-e-sisale kun prefixo #, egz. rozea – #FF8080, grizea – #808080, nigrea – #000000.