Herbig-Haro objekto

Herbig-Haro objekti esas mikra parti facita ek nebuloso de nove-naskita steli, formacata kande gaso ekpulsita da yuna steli kolizionas kun nubi ek gaso e pulvo kun rapideso plu kam plura cento kilometri singla sekundo. On ofte trovas ta objekti proxime a un stelo, alonge la rotacaxo.

Herbig-Haro objekto HH47, imajigita da kosmala teleskopo „Hubble“. La baro reprezentas 1000 Astronomiala Unigi, 20-foye plu granda kam nia sunala sistemo

HH objekti ne esas tante longe duranta fenomeni, e vivas admaxime plura mil yari. Oli chanjas tre rapide kande movar de la patrala stelo aden la gaso-nubi jacante en interstelala spaco. Imaji de kosmala teleskopo „Hubble“ montras komplexa evoluo di HH objekti dum nur kelka yari; ula parti velkas kande altra parti kolizionas kun materiajo en la inter-stelala mediumo.

L'objekti unesme deskovresis dum la tarda 19ma yarcento da Sherburne Wesley Burnham, ma ne saveskis kom distinta tipo til la yari 1940ma. La unesma astronomi qui studiis oli detaloze esis George Herbig e Guillermo Haro, e la nomo di la objekti venas de li.

Diagramo pri quale HH objekti kreesas

Extera ligili

• Detaloza katalogo pri HH-objekti en la Universitato di Colorado
• HH objekti segun la Encyclopedia of Astrobiology, Astronomy, and Spaceflight
• Movanta imaji di HH-objekti facita da observi di HST

Ica pagino uzas kontenajo del Angla Wikipedio. On povas trovar l'originala artiklo ye en:Herbig-Haro object; ol uzesas segun la GFDL-reguli.