Henry la 3ma di Anglia

(Ridirektita de Henry 3ma di Anglia)
Henry la 3ma di Anglia
Henry III.jpg
Rejo di Flag of England.svg Anglia
Guvernisteso: de 18 di oktobro 1216 til morto
Precedanto: John di Anglia
Sucedanto: Edward la 1ma di Anglia
Personal informi
Naskodato: 1 di oktobro 1207
Naskoloko: Kastelo di Winchester, Anglia
Mortodato: 16 di novembro 1272
Mortoloko: Westminster, London
Spozo: Eleanor di Provenco

Henry la 3ma esis rejo di Anglia de 1216 til 1272. Il esis duko di Normandia til 1239.

Ye la 14ma di januaro 1236, ye la katedralo di Canterbury, il esis mariajata ad Eleanor, filiino di Raymond Berenger komto di Provenco.

Ye la 4ma di agosto 1265, en Worcestershire, eventis la batalio di Evesham. Simon De Montfort komto di Leicester, kun Angla baroni e lia armeo, kombatis kontre la rejala armeo di princo Edward (futura rejulo Edward la 1ma di Anglia), filiulo di Henry la 3ma. Ye plu frua okaziono, Edward e Henry esabis enkarcerigata da De Montfort, ma Edward eskapabis. La multe plu granda rejala armeo esis vinkoza e De Montfort ocidesis; ilua entraprezo abandonesis. Simon De Montfort entraprezabis establisar sistemo por regulizar la agi di la rejo, per komitato di 24 membri selektata de nobeli e royalisti, qua esus kontrolata da okazionala parlamento.

Ilu mortis ye la 16ma di novembro 1272, lor evanta 65 yari. Il esabis rejo depos 1216; ilua regno lore esis la maxim longa di irga Angla rejo. En la lasta yari il divenis febla ed ilua filiulo Edward, qua sucedis Henry ye lua morto, agis kom guvernestro, dum ke Henrik esis grandaparte okupata pri ri-konstruktado di la Abadeyo di Westminster. Il volis ke il esez enterigata ibe, e ke ca edifico remplasez la Abadeyo di Fontevraud, en Anjou, Francia, kom kustumala enterigeyo di Angla reji.