Havana-sindromo

La Havana-sindromo (o sindromo di Havana) esas serio de klinikala signi e simptomi, quale raportesis da laboranti dil Usan e Kanadan ambasaderio en Havana, qui datizesas la fino di 2016, e pose en kelka altra landi, inter qui Usa. La sindromo koncernas l’audo de stranja grun-soni, perdo de audo, nauzeo, kapo-doloro e perdo de memoro.

Chef-oficisti en tam la Trump- kam la Biden-guvernerio suspektas ke Rusia responsas la Havana-sindromo. Lia labor-hipotezo esas ke agenti di la G.R.U. (militeral inteligenteso-servo di Rusia) esis apuntanta mikro-ondo-aparati al Usan oficisti por kolektar inteligentaji de lia komputori e smartfoni, e ke ca aparati povas efektigar serioza domajo a personi apuntata.