Hamurabi-kodexo

Hamurabi-kodexo esas la maxim anciena e bone prezervata skribita legaro konocata. Ol skribesis dum la 19ma yarcento aK, inter la yari 1755 e 1750 aK, segun impero da Hamurabi, la 6ma rejulo del unesma dinastio Babiloniana. Ol skribesis per Akadiana dialekto en bazalta steleo, alta de 2,25 metri.

Ca steleo trovesis en 1901 proxim urbo Susa, en la nuna Iran. La texto enskribita en ol kopiesis e studiesis da Babiloniana skribisti dum plu kam 1 yarmilo. La steleo nun konservesas che Louvre, en Paris.

En la kulmino dil steleo esas imajo di Hamurabi kun Shamash, deo dil suno por Babiloniani. Infre l'imaji existas 4130 linei skribita per kuneiforma literi; 1/5 ek la texto esas poemo, kontre ke la cetera 4/5 ordinare judikesas kom la legaro. La temi di la legi esas diversa, inkluzite kriminala legaro, familiala legaro, proprietala legaro e komercala legaro.

Exempli pri krimini mencionita che Hamurabi-kodexo e lua stipuli pri puniso esis la legi 1 til 5, qui traktas pri falsa akuzi, falsa testigo e falsigo di judicio:

Cquote1.png Se ula homo akuzas altra homo ed imputas hom-ocido a lu, ma ne povas prizentar pruvi kontre lu, l'akuzero mustos mortigesor.[1] Cquote2.png

ReferiRedaktar

  1. Roth, Martha T.:Law Collections from Mesopotamia and Asia Minor Publikigita da Society of Biblical Literature. Loko di publikigo: Atlanta, GA. Publikigita ye 1995. Idiomo: Angla.