La navo Great Eastern esis navo desegnita da Isambard Kingdom Brunel. Konstrukto komencis en 1854; olua unesma voyajo komencis en septembro 1859.

Great Eastern, piktita da Louis le Breton (1818-1866)

La navo esis multe plu granda kam irga navo ye ta tempo: olua longeso esis 211 metri e larjeso esis 25 metri, ol havis quar vaporomashini por paletoroti e plusa vaporomashino por helico, e la navego povis kontenar 4000 voyajanti.

Lanseso redaktar

En novembro 1857, malgre grava pekuniala trubli dum konstruktado, ol esis pronta por lanseso. Pro la nekustumala grandeso di la navo, la vaporovindili ne povis movar ol. La navo fine pulsesis aden la aquo per specala hidraulikala arieti, preske tri monati pos la intencita lanso-dio. Pos equipado di la navo, la unesma voyajo komencis en septembro 1859.

Unesma transatlantika voyajo redaktar

Ye 27 di junio 1860, la Great Eastern arivis ye New York ye la fino di olua unesma voyajo trans la Atlantiko, dek dii pos departo. Ol portis 35 paganta pasajanti, ok membri di la navo-kompanio e 418 navani. La originala intenco esis ke la navo facus voyaji inter Britania ed Australia; pro olua grandeso, ol povus portar suficanta karbono por ta itinerario. Tamen, pro chanjo di komercala standi, ol esis utiligata nur por transatlantika voyaji.

 
Esforcante lansar la navo Great Eastern