Glaciopluvego en Nord-Amerika en januaro 1998

En Kanada, granda glaciopluvo komencis ye la 4ma di januaro 1998. En tala vetero, pluvo, atingante koldega aero ye basa nivelo, konjeleskis ye kontakto kun sulo e teral objekti. La pluvado qua komencis ye ca dio duris til la 10ma di januaro, e la rezultanta glacio depozitata havis dikeso de plu kam 6 cm. Multega arbori domajesis; elektrala linei basigesis e plu kam mil elektrala piloni esis destruktata. En sudal Quebec ed estal Ontario, multega personi perdis elektrala povo dum plura semani. Pose, esis necesa rikonstruktar la sistemo di elektrala distributo.

Arbori en Quebec sufrinta pro glacio depozita dum la glaciopluvado