Gizardo

Gizardo esas parto ek la digestiva sistemo di kelk animali, exemple repteri (inkluzite dinosauri), uceli, gasteropodi, lombriki, kelka fishi e krustacei. Ca specaligita stomako konsistas ek forta muskulala tisui, ed uzesas por triturar nutrivi, ofte helpata da fragmenti di eskarbilo o stoni quin l'animalo glutas dum lua nutrado. Kelka moluski e fishi havas chitinoza plaki o mem denti interne la gizardo.

Ucela gizardo.

Digestiva sistemo de hano.

Strukturo

Ula ucelo glutas nutrivo e konservas ol en la kropo, se lu bezonas. Pose, la digestiva procedo transferas la nutrivo a la glandala stomako, ube komencas lua kemiala digesto. Pose ol transferesas a la gizardo, ube ol muelesas e reduktesas a pasto. La gizarto "mastikas" la nutrivo per la stoneti antee glutita, pro l'uceli ne havar denti por facar la trituro-procedo. To permisas triturar harda nutrivi, exemple semini.