Genetiko es la fako di biologio qua studias quale la geni transmisesas de genitoro a filio, e la heredo di traiti en animali e planti, sive tra sexuala riprodukto, sive tra autogameso.

DNA, la molekulala bazo di la heredo. Omna brino di DNA es kateno di nukleotidi, parigata l'una l'altra en la centro, por formacar quo semblas "skalogradi" en tordita skalo.

Genetiko subdividesas en plura specala faki:

klasika genetiko koncernas heredo di genitorala traiti en planti ed animali.

citogenetiko koncernas la celulala bazo di la genetiko.

mikrobala genetiko koncernas heredo en mikroorganismi*.

molekulala genetiko koncernas la biokemiala bazo di heredo.

homala genetiko koncernas la heredo di traiti di social e medicinal importo che homi.