Franco da Rocha
Parque Vitória un ek la maxim povra quarteri di Franco da Rocha.
Standardo Blazono
Lando: Brazilia
Stato: Sao Paulo
Informo:
Latitudo: 23°19'19" S
Longitudo: 46°43'47" W
Altitudo: 740 m
Surfaco: 133,9 km²
Habitanti: 149 502 (2017)
Denseso di habitantaro: 1120 hab./km²
Disto de Sao Paulo: 26 km
Urbestro: Nivaldo da Silva Santos (PTB, 2021 – 2024)
Mapo di Franco da Rocha
Oficala retosituo:
www.francodarocha.sp.gov.br

Franco da Rocha esas urbo en Braziliana stato Sao Paulo, jacanta an la metropolala regiono di la chef-urbo dil stato. Segun statistiki dil yaro 2017 ol havis 149 502 habitanti. Lua tota surfaco esas 133,9 km².

Urbo Franco da Rocha.

En 1627 la rejulo di Portugal donis a la sioro Amador Bueno da Ribeira tereni en la regiono por kultivar. La regiono restis rurala til 1888, kande inauguresis la ferovoyala staciono. Tamen, la fakto qua modifikis lua historio esis l'inauguro dil Psikiatriala Hospitalo ed Agrokultivala Kolonio Juquery en 1885. La hospitalo recevis psikiatriala kuracati de omna parti del stato, e dum la yari 1970a cirkume 16.000 personi enternesis ibe[1]. Dum la yari 2000a komencis procedi por klozar ol, ed en 2014, 154 personi ankore restis enternata ibe.[1]

Viadukto an la centrala quartero di Franco da Rocha

Kun poka industrii, komerco e servadi, Franco da Rocha funcionas precipue kom dormeyo-urbo, e lua habitanti laboras precipue en Sao Paulo. En januaro 2011 intensa pluvi efektigis inundadi qui afektis severe la centro del urbo. Itere ye la 11ma di marto 2016 eventis destruktiva inundado, kande aqui del aquobarilo Paiva Castro liberigesis por evitar lua krulo pos ke intensa pluvi minacis lua strukturo.[2]

Referi redaktar

  1. 1,0 1,1 Hospital Psiquiátrico mais antigo do país passará por grande reforma - Publikigita da Veja SP. Dato di publikigo: 28ma di marto 2014. URL vidita ye 1ma di decembro 2018. 
  2. MP apura responsabilidade da Sabesp por danos de enchentes em Franco da Rocha - Publikigita da Rede Brasil Atual. Dato di publikigo: 15ma di marto 2016. URL vidita ye 1ma di decembro 2018.