Fika
Fika esas koncepto en Sueda kulturo pri la bazala signifiko «drinkar kafeo», ofte akompanata kun kukaji o sandwich-i.[1] Plu samtempana generalizita signifiko di la vorto, ube la kafeo povas esar remplasata per teo o mem suko, limonado o «saft» por pueri, divenis tre dissendita. En kelka sociala cirkli, mem nur sandwich o mikra repasto povas indikar fika simila al Angliana koncepto di teo posdimeza. En Suedia, kukaji generale (por exemple «kanelbullar») ofte referas kam fikabröd («pano di fika»).
_%26_family_c_1916.jpg)
Etimologio
redaktarLa vorto «fika» esas exemplo por l'addopa slango uzita en la 19a yarcento, kande silabi di vorto esis inversigita, derivis fika de kaffi, plu frua varianto di la Suediana vorto kaffe («kafeo»).[2] De fika anke venas la vorto fik (neformala termino por «kafeerio») tra procedo di addopa dervido.[3]
Defino
redaktarFika esas konsiderita sociala institucuro en Suedia; lo signifikas «repozar», maxim ofte kafeo-repozo, kun onua kolegi, amiki, rendevuo o familio. La vorto fika povas esar uzata kom verbo e substantivo. Onu povas fika ye laborerio per «kafeo-repozo», fika kun ulu kam «kafe-rendevuo», o nur drinkar tazo de kafeo, teo od altra ne-alkoholoza drinkaji. Tale, la vorto havas poka ambigua impliko, ma preske sempre inkluzas ulo por manjar, kam bisquiti e mem dolcaji, akompanata kun la drinkajo. Ca praktiko di repozar, ofte kun kanelbulle o kelka bisquiti, o frukto ye la latero, esas centralo por Suediana vivo.[4]
Quankam la vorto ipsa povas implikar «repozar de laboro», co ofte esas emfazata per la vorto fikapaus («pauzo por fika») o fikarast («repozo por fika»), kun kaffepaus e kafferast, rispektive, kam proxima sinonimi. Fika anke povas signifikar drinkar kafeo od altra drinkajo ye kafeerio o konditori («kafeerio existanta en kukiferio»).[5]
Tradicionale, fika bezonis dolca, bakitaji, specale kanelbullar.[6]
Fika anke esas kombinita en vorti kam fikabröd («pano di fika») qua esas kolektala nomo omna tipi di bisquiti, kuki, ruleti, e.c. qua tradicionale esis manjita kun kafeo. Ne-dolcizita pani esas normale ne inkluzita en ica termino (mem ici forsan kelkafoye esas manjata kun kafeo). Uzata kam substantivo, fika anke referas a fikabröd e kafeo kombinite.
Laboro-repozo
redaktarFika esas komuna praktiko ye la laborerii en Suedia ube olu konstitucas adminime un repozo dum normala laborodio. Ofte, du fikas esas prenanta singladie ye cirkum 9:00 morge e 3:00 posdimeze. La fika di laboro esas importanta sociala evento ube employati povas kunirar ed esas sociala diskutar privata e profesionala aferi. Ne esas neordinara por administranti kunirar employati ed ad ula vasteso olu mem povas esar konsiderata nepolita ne kunirar onua kolegi ye fika.[7] La praktiko ne esas limitizita ad ula exakta sektoro di la laboro-merkato ed esas konsiderata normala praktiko mem en guvernala administrerio.[8]
Videz anke
redaktarReferi
redaktar- ↑ Henderson, Helene (2005).
- ↑ Holm, Pelle (1939).
- ↑ «fik».
- ↑ «Fika | sweden.se». sweden.se. 2014-05-08.
- ↑ Johansson Robinowitz, Christina; Lisa Werner Carr (2001).
- ↑ Davas, Kim (17 di agosto 2005).
- ↑ Paulsen, Roland (2014) Empty Labor: Idleness and Workplace Resistance.
- ↑ Goldstein, Darra; Merkle, Kathrin (2005).