Fernão de Magalhães
| Fernão de Magalhães | ||
| ||
| Profesiono: | navigisto | |
| Lando: |  Hispania
| |
| Naskodato: | 1479 | |
| Nasko-loko: | Sabrosa, Portugal | |
| Mortodato: | 27 di aprilo 1521 | |
| Morto-loko: | Cebu, Filipini | |
Fernão de Magalhães (Hispane Fernando de Magallanes, Angle Ferdinand Magellan, n. 1470 til 1521) esis Portugalana navigisto qua deskovris la pasovoyo inter Atlantiko e Pacifiko. Nuntempe ol esas nomizita "Stretajo di Magalhães".
Magalhães naskis en 1470 en Sabrosa, Portugal, kom membro di nobela familio. En 1510 ilu promocesis kom kapitano. En 1513, kande il esis en-garnizonigata en Maroko, il esis vundata ed esos kripla dum sua tota vivo. Il pregis la dinastio Portugalana por pekunio-subvencio. Kande ca esis refuzata, il preterlasis sua nacionaleso ed ofris sua servado a la Hispana rejo.
Magalhães konvinkis la Hispana rejo por financizar expediciono naviganta adweste por serchar nova voyo a Fora Oriento. Hispania precipue aceptis ilua propozo pro ke la Portugalani dominacis la voyo estala ad India. Magalhães foriris kun kin navi de Sanlucar de Barrameda ye 20 di septembro 1519 por projetata voyajo a la Spico-insuli per westala voyo. Il atingis l'estuario di fluvio Plata (Río de la Plata) (en nuna Arjentinia) ye la 31ma di marto 1520.
Ibe il esis ankragata dum sis monati. Ilu transvivis sedicio, segliris adsude e deskovris marostretajo sude de Patagonia. Pos ke un ek la navi naufrajis ed un desertis, ye la 28ma di novembro restis nur tri navi, qui transvivis la voyajo. Pos 38 dii il atingis oceano, quan ilu nomizis Pacifiko, pro la kalmeso di la maro.
Dum la pasajo di Pacifiko Magalhães anke deskovris Mariani e Filipini. Che Filipini, Magalhães amikeskis kun lokala tribuo, qua esis militanta kontre altra tribuo. Ye la 7ma di aprilo il atingis Cebu ube ilu helpis la rejio lokala en batalio kontre rejio Mactan. Magalhães ocidesis ye la 27ma di aprilo 1521 kande il ed ilua trupo partoprenis asalto kontre l'enemika tribuo.
La du restanta navi portanta plura tuni de spici atingis, guidata da Juan Sebastián Elcano, ye la 6ma di septembro 1522 a Hispana urbo Sevilla, pos voyajo cirkum la mondo.