Editerio Tia Libro!

Editerio Tia Libro! esas editerio di libri en Ido e pri Ido. Ol havas sua bazo en Nederlando.

Historio

Editerio Tia Libro! fondesis en 1994 da Hans Stuifbergen, kom Esperanto-editerio Eldonejo Tia Libro!. La nomo "tia libro" referis a la fakto ke precipue libri kun temo homeosexual editesus. Por anke povar editar libri pri plu generala temi, la temo homeosexuala balde abandonesis.

L'unesma edituro, "Kunkulpuloj" da Willem Bijsterbosch, forte kritikesis dal Esperanto-movemento pro l'introdukto di sexuo-neutriganta sufixo. La libro anke atingis la jurnalaro en Nederlando pro olua supozita nelegal edito, artiklo qua anke kopiesis en l'Esperanto-jurnalaro. L'akuzo balde pruvesis esar nevera, sequis mikra korektigo en la proxima numero di Vrij Nederland.

Intertempe (1991) la chef-editero deskovris linguo qua esis plu apta segun ilua l'idei pri neutra linguo, konseque la karaktero dil editerio chanjis ad esar editerio di Ido-libri. La nomo restis por referar a la lingual origino di editerio.

L'unesma Ido-libro qua editesis da Editerio Tia Libro! esis "La Spegulo Granda" da Mohamed Mrabet.