Dioxino
Dioxino esas un ek la maxim forta veneni sintetika (altre: superveneno) konocata. Dioxino formacesas kande on kombustas eskombro o foresto brulas, e kom subprodukturo en kemial industrio. Ol expansas su en l'ambiento per fumo-gazi.
Dioxino richeskas en ambiento, ed ol esas tre duranta veneno. Nutrivi qui kontenas graso, exemple, maro-salmoni, absorbas multe dioxino. Homo asimilas dioxino de nutrivi. La substanco akumulas su en hepato e grasala tisuo.
Dioxino afektas homala saneso se ulu recevas la veneno dum longa tempo. Ol febligas riproduktiva kapableso en adulti. Ol anke tardeskas e desfacileskas la movanta developo di infanto. Ol anke augmentas la probableso pri developar kancero en la hepato e la sango.
Dioxino efektigis severa dizastri dum la historio, exemple en Seveso, Italia, en 1976. Dioxino uzesis ank en la toxino dil 'Agento Oranjea, dum la milito di Vietnam.