Apertar la precipua menuo
Reprezenturo di un diablo en pikturo de Mez-epoko.

Diablo (de Greka vorto διάβολος diávolos, "difamanto", "(lu) ke akuzas") en la religio Kristana ed Islamo tradicionale esas la demono di lo mala, Satano, princo dil angeli rebela. En multa altra religii esas povoza supernatura bestio ke personigas la malo. Segun l'una o l'altra kulturi, il povas esar fakte un opozanta a la kreanta Deo, o nur komik alegorio, od abstrakt aspekto de homala stando.

Dum ke Judaismo ne sempre havis konkrata konceptajo pri diablo, por Islamo e por ortodoxa Kristanismo diablo esas un rebela angelo, o demono qua tentas homi a pekar. En ta religii, diablo asumis dualista stando generale asociita kun hereziani ed altra nekredanti. Tale, la diablo reprezentas la krizo di kredo e individualismo, ultempe anke racionalismo.

En kelka sociala o politikala konflikti personi uzas la konceptajo di "diablo" ed afirmas ke lua opozanti agas sub influo dil diablo, o ke volunte suportas la diablo. Altra uzas la konceptajo di diablo por alegar ke altra religiala fidi esas falsa e despia.

En Kristana e Bibliala fonti la "Beelzebub" (en Hebrea linguo בעל זבוב‎, Baʿal Zəbûb), deo ke protektis l'urbo di Ekron en Filistia, esis pose konsiderata un di sep princi di inferno.

Wikipedio
Wikivortaro explikas
ca rubriko
en altra lingui: Diablo