Debato:Ordono
L'antea emendo de "unu" ad "un" ne havas justifiko: ol venas de misduktanta indiki da sioro James Chandler, qua tote ne esas linguisto quale on asertas. Ilu skribas en sua debato-pagino: "... Pluse, me ne toleras Esp-aji quala "unu" che la Ido-wiki. Espo havas sua propra wiki ube on darfas skribar tam multa Espo kam on deziras."
Nu, la vorto "unu" esas en perfekta Ido. Forsan sioro Chandler ne savas ke en Ido "un" esas adjektivo ed "unu" esas pronomo. Or, se esas vera ke on darfas uzar adjektivo vice pronomo, altralatere esas anke vera ke on ne darfas indikar kom eroro ulo quo tote ne esas eroro; do ne havas justifiko chanjar "unu", tote korekta, ad "un".
Sioro Chandler akuzas ofte Idisti uzar expresuri Esperantala, kande il ipsa uzas li. E, fakte, ya en lua indiko citita supere, paradoxale il akuzas la skribinto uzar Esperantalajo ("unu", qua ne esas Esperantalajo, do ilua indiko esas nejusta), kande, tote kontree, il ipsa (sioro Chandler) uzas expresuro Esperantala, nam ilu skribas "Esp-aji" (= "Esperantaji"). Nu, la vorto "Esperantaji" ipsa esas Esperantalajo, nam en Ido on dicas "Esperantalaji", ne "Esperantaji": en Esperanto on formacas "Esperanta" de "Esperanto" (signifikanta "di Esperanto"), e do "Esperantaĵo", ma en Ido on dicas "Esperantala" e do "Esperantalajo". En Esperanto on dicas exemple "literaturo Esperanta", "libro Esperanta", ma en Ido on dicas "literaturo Esperantala", "libro Esperantala". Ica esas regulo elementala qua esas en la bazo di Ido. Do on devas konocar ol.
E sioro Chandler ne probez dicar ke "Esp-aji" esas abreviuro di "Esperantalaji": ol esas abreviuro di "Esperantaji", nam "Espo" (quan il ipsa uzas) esas abreviuro di "Esperanto", ne di "Esperantalo".
Ultre to, sioro Chandler anke kustumas skribar la vorti "angla", "franca", "germana", e. c., qui esas vorti skribita segun la ortografio di Esperanto, ne di Ido, e do anke li esas Esperantalaji.
La personi qui ne savas la nocioni fundamentala di la linguo Ido devus ne skribar en la Wikipedio IdALa, e precipue devus ne kritikar l'artikli di altri.
Tiberio Madonna Jopali (diskuto) 09:28, 15 nov. 2017 (UTC)