Ye 27 di julio 1949, la unesma flugo eventis di prototipo di la unesma komercala sprico-aeroplano, la De Havilland DH 106 Comet. Ol esis povizata da du pari de turbin-sprico-motori, pozita interne di la ali apud la trunko di la aeroplano. La Comet esis developata da De Havilland en Hatfield, Hertfordshire Anglia; ca flugo, de la aviaco-hangaro di la kompanio en Hatfield, duris 31 minuti. Duesma prototipo facis unesma flugo en 1950. Tala aeroplano esis en nova kategorio di aviacilo, do kompleta probado esis granda procedo. En mayo 1952 eventis unesma flugo di Comet portanta bilieto-paganta pasajanti. Dum la frua yari di reguloza flugo, kelka grava acidenti necesigis modifiki di la desegnuro.

De Havilland DH 106 Comet