CBGB
CBGB (pronuncez: sibi-jibi) esis nokto-klubo en 315, Bowery (strado), Manhattan (New York). Olua nomo komplete esas CBGB & OMFUG, abreviuro de « Country, Bluegrass, Blues and Other Music For Uplifting Gormandizers », en Ido: « Kauntri, Blugraso, bluso ed altra muzikala jenri por gurmandi rafinita ».
Kreo di mitologiala klubo
redaktar
CBGB apertesis da Hilly Kristal en 1973 en famacha quartero dum l'epoko. Havante spaco de 370 mtri quadrata, ol esis la maxim granda taverno di la quartero, posibligante unionar admiranti di kauntri, blugraso e bluso, to quon esperis Kristal. Ne sucesis e Kristal telefonesis da la bando Television qua serchis spaco por plear koram publiko. Kristal konkordis e donis chanco a li. To esis la nasko di CBGB kom klubo por punk-muziko.
La fakti ke la publiko devis pasar dop l'estrado por atingar la latrini ruptis la frontiero inter la muzikisti e publiko e ke ne esis ordino-servo e ke la preci di konsumaji esas moderata, popularigis la klubo.
Bandi quale Wayne County, Suicide, Ramones, Blondie, Television, Patti Smith, Talking Heads, B-52's, Mink de Ville, Johnny Thunders e le Heartbreakers e mult altra bandi pleis en CBGB avan divenir populara.