Batiskafo

Batiskafo esas mikra submara navo qua projetesas por rezistar granda presi ed uzesas por explorar regioni multe profunda de la maro. Li povas uzesar por ciencala o militala skopi. Auguste Piccard, qua inventis l'unesma batiskafo, kreis lua nomo de du Greka vorti: βαθύς bathys ("profunda"), e σκάφος skaphos ("navo").

Interna aranjuro di batiskafo.

Por submersar, batiskafi inundas aerala tanki kun marala aquo, ma, diferanta de ordinara submara navi, on ne povas uzar kompresita aero por ekpulsar l'aquo e retroirar a la surfaco. Vice, fera balasti liberigesas por acensar, e ca balasti perdesas en l'oceano. Batiskafi uzas gazolino, qua esas nekomprebla liquido, por equilibrar la flotacemeso sur marala surfaco.