Apertar la precipua menuo
Batalio di Solferino
Battle of Solferino, 1859.jpg
Pikturo montras Franca trupi dum la batalio di Solferino.
Konflikto: Francia-Austria milito
Dato: 24ma di junio 1859
Loko: proxim Solferino, Lombardia
Rezulto: Franci e Sardiniani vinkis Austriani.
Militanti
Duesma Franca imperio
Rejio di Sardinia
Austrian imperio
Komanderi
Napoléon la 3ma
Vittorio-Emmanuele la 2ma
Franz Josef la 1ma
Trupi/equipuri
118.600 100.000
Perdaji
2492 morti
12 512 vunditi
2922 kaptiti o desaparinti
3.000 morti
10 807 vunditi
8 638 kaptiti o desaparinti
Memorialo di la Reda Kruco en Solferino.

La batalio di Solferino eventis ye la 24ma di junio 1859, en Solferino, Lombardia. Austrian armeo, qua konsistis ek cirkume 100.000 soldati komandita da Franz Josef la 1ma, vinkesis dal federita armei sub komando da Napoléon la 3ma di Francia e da Vittorio-Emmanuele la 2ma di Sardinia, kun entote 118.600 soldati. Lor ol esis la maxim granda batalio en l'Europana kontinento pos la batalio di Leipzig, en 1813.

La batalio esis parto dil procedo di Unigo Italiana. Pos 9-yara kombato, Austriani kapitulacis. Entote la perdaji di la federiti esis 2492 mortinti, 12 512 vunditi e 2 922 kaptiti o desaparinti, kontre plua kam 3.000 soldati Austriana mortinta, 10 807 vundita e 8 638 kaptinta o desaparinta.

Henri Dunant, qua atestis la batalio e la la sufrego di vunditi en bataliagro, decidis krear l'Internaciona Reda Kruco pos ol.

Motivi di la batalioRedaktar

Pos sekreta kontrato sigatita en Torino, l'armeo di Napoleon la 3ma di Francia decidis helpar Piemont, invadita dal Austriani pos ne aceptar nemediata desmobilizo di lua trupi. Pos serio di batalieti Piemontani vinkis Austriani, qui rigrupigis lia trupi e decidis neprudente afrontar Franci.

La batalioRedaktar

 
Mapo pri la bataliagro en Solferino. Flave l'Austriani, verde la Piemontani, e blue la Franci.

Austrian armeo, komandita dal propra imperiestro, trairis la fluveto Mincio ed okupis serio di kolini proxim l'urbo Solferino, qua jacis an la centro di sua lineo.

Franci atakis de la sinistra ed okupis l'urbeto Medole. En la centro, Austriani mantenis pozicioni, dum ke addextre, trupi komandita dal generalo Benedek rezistis l'ataki da Piemontan armeo.

Franci timis ke Austriani povis rinforcar lua dextra flanko e decidis atakar la pozicioni Austriana en Solferino. L'artilrio Franca bombardis l'urbeto e mortigis multi. Pose, l'infantrio lansis atako. Pos severa kombati, li sucese kaptis l'urbeto e dividis Austrian armeo.

Malgre ke Benedek prenis kontrolo de la dextra flanko, Franca ataki koaktis l'Austriani cedar tereno. Pos perdir Solferino, Austriani evakuis l'urbeto Cavriana, ante ke la kombati cesis pro forta tempesto. Austriani retretis, e pose komencis negocii qui modifikis la frontieri inter Francia, Piemont ed Austria.

La mortigo per nova armi, quale fusili e ranurizita kanoni, ne esis tam sangoza kam altra batalii de la 19ma yarcento. Tamen, la cirkume 38.000 viktimi motivizis Suisa entraprezisto Henry Dunant organizar sokursala helpo por omna vunditi, sen selekto di lando (Tutti fratelli, "omni frati"), pose fondis la Reda Kruco.[1]

ReferiRedaktar