Batalio di Narva
| Batalio di Narva | |||
| |||
| Trupi proxim fluvio Narva. | |||
| Konflikto: | Granda Nordala Milito | ||
| Dato: | 30ma di novembro 1700 | ||
| Loko: | proxim fluvio Narva (nun, frontiero inter Estonia e Rusia) | ||
| Rezulto: | Sueda vinko | ||
 Suedia
|
↔ | Rusa imperio | |
| Karl la 12ma di Suedia Carl Gustav Rehnskiöld Otto Vellingk |
↔ | Charles Eugène de Croÿ Avtonom Golovin Ivan Trubetskoy Adam Veyde Boris Sheremetev | |
| 1800 soldati 297 kanoni Rezervo-trupi: 10.500 soldati 37 kanoni |
↔ | 37 mil soldati 197 kanoni | |
| 667 morti 1247 vunditi |
↔ | de 6 mil til 8 mil morti, inkluzite dronita 79 oficisti kaptita, inkluzite 10 generali nekonocata quanto di dezerteri, qui mortis pro koldeso entote cirkume 18 mil morti e vunditi | |
La batalio di Narva esis un ek l'unesma batalii en la Granda Nordala Milito, kande Sueda armeo komandita dal rejulo Karl la 12ma vinkis Rusa armeo dal Caro Pyotr la Granda en Narva. La batalio rezultis importanta vinko Sueda, pro taktikala motivi.
La batalio
redaktarYe la 30ma di novembro 1700 (segun Gregoriala kalendario) la precipua grupo dil armeo Sueda, konsistanta ek 8 140 soldati komandita da Karl la 12ma, kontreatakis Rusa armeo, qua siejabis Sueda fortreso en Narva, nun en Estonia. La precipua grupo di Sueda armeo helpesis da cirkume 2500 soldati de la fortreso. Rusa armeo esis multe plu granda, e konsistis ek cirkume 80 mil soldati.
Sueda armeo komandesis da la propra rejulo, helpita dal generalo Carl Gustav Rehnskiöld. Altralatere, Rusa armeo konsistis precipue ek rurani sen preparo por kombatar, e komandesis dal marshalo Charles Eugène de Croÿ. Caro Pyotr la 1ma abandonabis la regiono kelka dii ante.
Sueda armeo komencis atakar ye dimezo, protektita da forta venti qui suflis vers Rusa trupi e desfaciligis li vidar avane. Suedi atakis tra Rusa linei e produktis paniko meze Rusi. La komuniko inter Rusa komandinti e la trupi ank esis desfacila, nam multa komandinti esis stranjera, e la trupi ne komprenis klare l'imperi.
La batalio rezultis granda vinko Sueda. Suedia perdis nur 667 soldati (to esis, 7% de lua trupi) kontre ke Rusi perdis cirkume 18 mil soldati, multa ek li fuginta de bataliagro, nur por dronar su che fluvio Narva.