Batalio di Aljubarrota
| Batalio di Aljubarrota | |||
| |||
| Dato: | 14ma di agosto 1385 | ||
| Loko: | proxim Aljubarrota, Portugal | ||
| Rezulto: | decidigiva vinko Portugalana | ||
| Rejio Portugal Anglia |
↔ | Kastilia Rejio Francia Aragon | |
| João la 1ma di Portugal Nuno Álvares Pereira |
↔ | Juan la 1ma di Kastilia Pedro Álvares Pereira | |
| c. 6500 soldati | ↔ | c. 31 mil soldati 15 bombardili | |
| 500 til 600 soldati | ↔ | 9.000 morti, di qui 4 o 5 mil dum la batalio e c. 5 mil dum la retreto | |
La batalio di Aljubarrota eventis posdimeze ye la 14ma di agosto 1385, inter Portugal ana ed Angla trupi, komandita da João la 1ma di Portugal e lua generalo Nuno Álvares Pereira, e la trupi Kastiliana, komandita da Juan la 1ma di Kastilia. La batalio eventis en l'agro San Jorge, proxim la vilajo Aljubarrota, inter Leiria ed Alcobaça, centre de Portugal. Lua rezulto esis la vinkeso di la Kastiliani, la fino di la krizo Portugalana, qua duris de 1383 til 1385, e la solidigo di João la 1ma kom rejulo di Portugal, l'unesma rejulo de la dinastio Avis.
Rejio Francia sendis kavalrio por helpar Kastiliani, e l'atako komencis per l'avanco di kavalriani. Tamen, Portugalani konstruktabis streta ligna palisadi qui permisis la transito di personi, ma ne di kavali. Do, l'enemika trupi ne havis multa agro por manovrar. Arkpafisti Portugalana ed Angla protektita dop la palisadi repulsis l'atako facile e mortigis multa kavalriani. La dop guardo Kastiliana tardigis avancar e, konseque, la cetera kavalriani qui ne mortigesis divenis militala kaptiti. Kande Kastiliana trupi decidis avancar, li modifikis lia avanco-lineo por pasar inter la palisadi. Rejulo João la 1ma sentis la danjero, imperis la retreto dil arkpafisti e l'avanco di lua dop guardo. Ilu anke imperis la mortigo di la kavalriani kaptita, por preventar rinforco di la Kastiliani. Sen spaco por manovrar, Kastiliana trupi subisis granda perdaji, e fine retretis. Portugalana kavalrio persequis Kastiliani e mortigis multi dum lia retreto.
La definitiva paco kun Kastilia establisesis erste en 1411, tra la signato di la kontrato di Ayllón, pos ke Portugalani atakis terrtorio Kastiliana, e pos eventi kom la batalio di Valverde ye la 15ma di oktobro 1385, kande Nuno Álvares Pereira vinkis Kastiliani en Valverde de Mérida.