Ataki di novembro 2015 en Paris
| Ataki di novembro 2015 en Paris | ||
| ||
| Ube l'ataki eventis | ||
| Loko: | Paris, Francia | |
| Dato: | 13ma di novembro, 2015 til 14ma di novembro, 2015 21:16 til 00:58 kloko (CET) | |
| Tipo: | granda pafado, bomb-explozi, gajohomo-situeso, suocido-atako | |
| Armi: | AK-47-fusili, manuo-grenadi, bombi, suocido-jileti | |
| Mortinti: | 130+ personi[1], 8 atakinti | |
| Vundinti: | 200+ personi, 100 de li vundesis serioze | |
| Kulpanti: | minime 8 | |
| Motivo: | La Franca bombardo en Siria ed Irak | |
Vespere di la 13ma di novembro eventis multa ataki en Paris. La eventi komencis ye 21:16 kloki (CET - la lokala tempo); tri bomb-explozi en diversa loki e sis granda, separata, pafadi per automatala fusili. Segun la Franca prezidanto François Hollande l'Islamana Stato responsas pri l'ataki, qui esas judikenda kom "militala ago". Min kam un horo pose, l'Islamana Stato asumis l'autoreso dil ataki.[2] Ica esas la maxim mortiganta atento en Europa depos la Bomb-explozi di 2004 en Madrid,[3] e la maxim recenta atento kontre Paris depos l'Atako kontre Charlie Hebdo, ye la komenco di januaro, 2015.[4]
Plu kam 120 personi ocidesis, 87 de la ocidi eventis en la teatro Bataclan. Pluse, plu kam 200 personi vundesis e duimo de li havas serioza vunduri.[5]
Ataki
redaktarSep loki entote atakesis, sis pafadi e tri bomb-explozi.
Stradi Alibert e Bichat
redaktarPafado en strado Fontaine au Roi
redaktarPafado eventis sur teraso di Italiana restorerio La Casa Nostra, en Rue de la Fontaine-au-Roi, sude di Rue Bichat, da homo per mitralioso. Persequinto dicas ke kin personi ocidesis en la restorerio.
.jpg)
Bomb-explozi an Stade de France
redaktarTri bomb-explozi eventis an Stade de France en la suburbo Saint-Denis ye 21:20, 21:30 e 21:53 lokala tempo, dum amikala futbalo-konkurso[6]. Minime 10 personi ocidesis o vundesis pro bomb-explozi en drinkerio apud la stadio.
Pafadi en strado Charonne
redaktarDu atakanti pafis vers homi sur teraso di restorerio La Belle Équipe, en rue de Charonne en la 11ma distrikto di Paris. L'atakanti pose retrovenis a lia automobilo ed ekvehis.
Asiejo e masakro en teatro Bataclan
redaktar
L'asiejo e masakro en teatro Bataclan esis la maxim mortiganta de la sep ataki. Paferi eniris la teatro, ube 1,500 personi spektis ed askoltis pleado da l'Usana rock-bando Eagles of Death Metal, e li komencis pafar vers la spektanti. un ek la la spektanti dicis: "Li ne cesis pafar. Sango videsis omnaloke, kadavri omnaloke. Ni audis krii. Omnu esforcis fugar." Ilu dicis pluse ke la paferi kaptis 20 personi e dicis a li: " Hollande responsas, via prezidanto responsas, il devabus ne intervenar en Siria".[7] Pos un horo, sekureso-soldati eniris la loko ed ocidis la paferi; tri de la paferi explozigis su, e la quaresma pafero ocidesis da la soldati.[8] 87 ocidesis en la teatro, e la 4 atakanti.
Bulvardo Voltaire
redaktarUn del atakanti explozigis lua bombo-jileto en bulvardo Voltaire, an teatro Le Bataclan.
Pos l'eventi
redaktarPos l'ataki, la policistaro trovis Siriana ed Egiptiana pasporti an la kadavri dil odidinti. Ma on suspektas ke la pasporti esas falsa.[9] Pos l'atako, on klozis omna skoli, biblioteki, Turmo Eiffel, Muzeo Louvre e Disneyland.[10] La muzik-bando U2 esis pleonta en Paris ye la 14ma di novembro, ma lu ajornis la koncerto pro l'ataki.[11]
Referi
redaktar- ↑ BBC - URL vidita ye 10ma di januaro 2016. Idiomo: Angla.
- ↑ The Guardian - URL vidita ye 14ma di novembro 2015. Idiomo: Angla.
- ↑ BBC - URL vidita ye 14ma di novembro 2015. Idiomo: Angla.
- ↑ BBC - URL vidita ye 14ma di novembro 2015. Idiomo: Angla.
- ↑ The Guardian - URL vidita ye 14ma di novembro 2015. Idiomo: Angla.
- ↑ The Guardian - URL vidita ye 10ma di januaro 2016. Idiomo: Angla.
- ↑ BBC - URL vidita ye 14ma di novembro 2015. Idiomo: Angla.
- ↑ BBC - URL vidita ye 14ma di novembro 2015. Idiomo: Angla.
- ↑ CNN - URL vidita ye 14ma di novembro 2015. Idiomo: Angla.
- ↑ NBC - URL vidita ye 14ma di novembro 2015. Idiomo: Angla.
- ↑ Los Angeles Times - URL vidita ye 14ma di novembro 2015. Idiomo: Angla.