Antananarivo
| Antananarivo | ||
| ||
| Centro di Antananarivo. | ||
| Lando: |  Madagaskar
| |
Informo:
| ||
| Latitudo: | 18°56' S | |
| Longitudo: | 47°31' E | |
| Altitudo: | 1 276 m | |
| Surfaco: | 85,01 km² | |
| Habitanti: | 1 275 207 (2018) | |
| Denseso di habitantaro: | 15000 hab./km² | |
| Horala zono: | UTC+3 | |
| Urbestro: | Lalao Ravalomanana | |
 • ANTANANARIVO | ||
Oficala retosituo:
| ||
| www.mairie-antananarivo.mg | ||
Antananarivo esas chef-urbo e maxim populoza urbo di Madagaskar. Segun la demografiala kontado di 2018, ol havis 1 275 207 habitanti. Lua tota surfaco esas 85,01 km². L'urbo jacas an altitudo di 1280 metri e distas per streta lineo 160 kilometri del estala rivo e 330 kilometri del westala rivo di la lando.
Antananarivo fondesis cirkume 1610 dal rejo Andrianjaka, ed esis la historiala chef-urbo dil rejio Merina. L'urbo divenis la maxim populoza de la lando depos la 18ma yarcento. En 1897 ol divenis chef-urbo di Franca kolonio Madagaskar, e duris esar chef-urbo di la lando depos la nedependo, en 1960. Nun, la 18 etniala grupi de Madagaskar ed anke Chiniani, Indiani, Franci ed altra etnii esas reprezentata ibe.
L'industrio reprezentas cirkume 13% de la totala nacionala produkturo di Madagaskar, e koncentresas en Antananarivo. L'universitato di Antananarivo (Université d'Antananarivo, fondita en 1958) ed un ek la du medikala skoli de la lando anke jacas ibe.
Geografio
redaktar
La reliefo di Antananarivo esas montoza kun multa kolini e ravini. L'anciena rejala palaco Manjakamiadana konstruktesis sur la kolino Analamanga, la maxim alta del urbo, jacanta 1480 metri super la marala nivelo. La fluvio Ikopa, la 2ma maxim longa de Madagaskar, trairas Antananarivo.
La klimato dil urbo esas subtropikala di altitudo, kun sika sezono definita (Cwb segun la klimatala klasifikuro da Köppen). La mezavalora temperaturo en julio (vintro) esas 14,3°C, kontre ke la mezavalora temperaturo en januaro e februaro (somero) esas 20,8°C.
La pluvoza sezono iras de la duimo di novembro til la duimo di marto. La mezavalora yarala pluvo-quanto esas 1437 mm, e la maxim pluvoza monato esas januaro, kun mezavalore 340 mm.