Animaloprobo esas l'uzo di animali por probar e developar medikamenti e kosmetikaji sekura por homi.

Ica artiklo bezonas revizo gramatikala. – Ka vu povas helpar ni revizar ica artiklo?

L'animali redaktar

Por produktar medikamenti, kosmetikaji ed extra nutraji, unesme probesas materii en laboratorii. La developo di la probita materio duras uzante naturala o kultivita celuli. Pose on uzas animali ed en la finala fazo on probas produkturi per voluntara homi. La kustumala animali che la probi esas la vivanta musi, rati, kobayi, kunikli, hundi, kati e simii.

Multa mili de animali mortas dum o pos la probi omnayare. La ciencisti ne esas personi sen emoco, e duras serchar alternativi por l'uzo di animali. Konseque nun sur multa pakiguri, boteleti ed unguentyi di la produkturi skribesas ”Neprobita per animali”, qua esas konsiderita che la konsumanti kom avantajo e suportindajo.

Malgre la diminutesko che la nombro di la animaloprobi, on ne povas abandonar tote la animali. Se on abandonus senajorne la probi per animali, dum la 20-30 sequonta yari ne esus uzebla nova medikamenti.

Argumenti favorebla e kontre animaloprobi redaktar

Mem malada homi qui esas kontre la animaloprobi mustas konfesar, ke la probi durigis e plulongigis lia vivo. Yen kelka argumenti por e kontre la animaloprobi:

Argumenti kontre probi per animali
  • Animali ne esas sufice bona modeli por homala organismo. La recevita respondo de la animala organismo dum probo per ula materio ne signifikas, ke la homala organismo respondus a la probita materio idente.
  • La preseso subisita da la animalo povas efektigar a la rezulturi de la probo.
  • Existas alternativa probometodi.
  • Animaloprobi esas kustoza. La par-exekutita probo di un medikamento per animalo kustas tre multa (exemple milioni de euro).
  • La probi esas ordinare vana kun nula rezulturo. Tre poka posibla medikamento od altra materio recevas aceptebla rezulturo de la probo.
  • Kontre animaloprobi povas parolar anke uzante religiala, morala od etikala motivi.


Argumenti por probi per animali
  • Preske tota progreso di medicino dum pasinta yarcento bazesas sur animaloprobi. La progreso kontenas inkulili e medikamenti por grava morbi e por frequa morbi (astmo, diabeto, kordiikeso).
  • La probi di medikamenti ed altra materii per animali esas ofte la singla moyeno por probar, quale la substanci reale funcionas.
  • Alternativa moyeni, exemple modeligo per komputeri e celulala kultivado, ne garantias, ke la rezulturi esus tam kredebla kam per animali.
  • En multa landi la legi protektas animali kontre vana krueleso tam vaste kam lo esas posibla.