Alkaliala hidrolizo

Alkaliala hidrolizo esas tekniko ube korpala restajo di homo od animalo sub preso esas dissolvata en varmeg aquo per kalio-hidroxido.  Altra nomo esas aquomaco*.

La Britanian entraprezuro “Resomation Limited” esas la stimulanta forteso dop l’apliko di ca alkaliala hidrolizo kom alternativa funero-tekniko. La firmo patentigis la proceduro e posedas l’internacionala komerco-marko “Resomator”, por aparato di la Skotian inventisto en qua hidrolizo eventas.

Che alkaliala hidrolizo la kadavro esas deskompozata en aqua-atra solvuro di alkalio, ca-kaze kalio-hidroxido, che temperaturo de 180 gradi Celsio ed augmentita preso tale ke la restaji ne bolias e ke la procedo pasas optimale. La kadavro devas esar provizita de vesti e kadavruyo de proteini, quale silko o lano pro ke ti facile hidrolizeskas. La procedo komencas per separar la kadavro e la sarko. La sarko povas esar riuzata cirkum 50 foyi, kontree a la situeso dum enterigo o kremaco. La quantesi de aquo ed alkalio dependas de la kadavro-pezo. La procedo duras cirkume tri hori e similesas a saponigar grasi. La restanta poroz osti divenas tale frajila ke oli facile muelesas a pudro, komparebla a cindro pos kremaco. Ultre l’osti, ne-dissolvebla elementi, quale prostezi de titanio, ora dento-remplasuro e kordio-stimulili povas izolesar. La restanta liquido esas kelke bruna, tre alkalioz e sterila. Pos neutrigo per acido la liquido ne plu esas ambiento-domajant e povas esar varsata aden la kloako.