Akademi Internasional de Lingu Universal

Ica artiklo bezonas revizo da ula persono qua konocas ambe Ido, ed ica temo ciencala, teknologiala, matematikala, filozofiala, sportala, edc.
Ka vu povas helpar ni revizar ol?

Akademi Internasional de Lingu Universal (Internaciona Akademio pri Universala Linguo) guidita da Waldemar Rosenberger depos 1892, esis akademio di Idiom Neutral. Ol aparis kande Johann Martin Schleyer extingis la Kadem Volapüka ed elektis il propra l'akademiani di Volapük.

Vere l'Akademi kreis la Idiom Neutral kom kolektiva projeto dum multa yari. Dum l'administrado dil Usano A. Holmes tandem aparis la kreita linguo-projeto Idiom Neutral en 1902. Tatempe l'Akademio konsistis ek 15-36 akademiani: omna akademiani esis koopte elektata por 5-yara periodo, e povis rielektesir. En 1908 finis l'administrala periodo di Holmes, ed Idiom Neutral (pri qua diskutis l'Akademio en lua nova organo Progres) rapide desaparis avan reforma projeti, exemple Idiom Neutral Modifikita ed Idiom Neutral Reformita.

Sub Giuseppe Peano, depos 1909, ol chanjis en 1910 lu apogo al Latino sine flexione e chanjis la nomo a l'Academia pro Interlingua.