Aikido
Aikido esas milital-arto orientizata vers defenso, kun profunda bazo filozofiala, en qua la defensanto redirektas la movi ed energio di ula atako kontre la propra atakero. Ol praktikesas da homuli e mulieri senegarde staturo, pezo o stando. Ol judikesas kom un ek la maxim desfacila milital arti por dominacar, e bezonas yari di praktiko ante ke ulu povas defensar su ipsa, nam lua tekniki ne multe semblas altra milital arti.
Tradicional aikido forjetas irga tipo di konkursar. Afirmas la developo dil mento, la korpo e la spirito til atingar la kompleta harmonio. Le lecioni konsistas en observar la demonstrado di tekniki qua exekutas instruktanto e pose on devas praktikar, kun un o diversa parteneri, intencanta repetar le movi, amelioranta en ica modo la tekniko ed atinganta majora komprenuro dil aikido. La moveso, la poziciono, la precizo e la koordino esas elementi importanta por executar la tekniki e la studenti lernas aperceptas di maniero nerigida ed adaptiva.
