Simbolo di po cent

(Ridirektita de %)

La simbolo di po cent (%), esas simbolo uzata por indikar procento, nombro o radio kom fraciono di cent, en multa lingui.

Uzado en Ido redaktar

En Ido, kam altra simboli remplasante vorti o frazi, esas tre rekomendata ne uzar ti vice la vera vorto/i.[1]

Po cent redaktar

La maxim uzenda frazeto, esas «po cent»:

tri po cent esas 3/100

duadek e kin po cent esas 25/100

Procento redaktar

La substantivo procento indikas relato inter du nombri.

«Lu prestis a me kinacent dollar-i ye la procento di kin po cent.»

Uzado slanganta di «procento» redaktar

En cadial uzo slanganta di Ido, multi uzas «procento» por la signifiko di po cent. To esas influo de la naturala lingui.

Centimi redaktar

Kande l’ideo esas extrakto vice korespondo, kom en statestiko, preferesas explikar la procento kom fraciono:

«En ica armeo kin centimi ocidesis, dek centimi vundesis, duadek centimi esis malada.»

Ek cent redaktar

On anke povas uzar «ek cent» vice «centimi»:

«En ica armeo kin ek cent ocidesis, dek ek cent vundesis, duadek ek cent esis malada.»

Ma plu rekomendesas uzar «centimi» vice «ek cent».

Referi redaktar

  1. Exhaustive Text Book of the International Language of the Delegation, da Dr. Max Talmey (en Angla)