Sueda idala asociitaro

Sueda idala asociitaro fondesis en Stockholm ye la 21ma di aprilo 1911 ed esis asociita kun Uniono por la Linguo Internaciona Ido (ULI) por adoptar, propagar e developar ta linguo segun omna posibla e praktikal moyeni en Suedia.

Dum la yari 1930ma l'asociitaro havis c. 200 aktiva e 100 suportanta membri. Lu editis buletini e literaturo en Ido, quale Komuniki (1964-1988) Svensk Världsspråkstidning 1925-59, e Mondo 1912-34.

Pro diminuto di nombro di membri specala kunsido decidis abrogar l'asociitaro en Stockholm ye la 2ma di agosto 1996. En ta kunsido decidis krear fonduro en memorio di lua lasta prezidanto, Hellmut Röhnisch.

Extera ligilo redaktar