Sportala medicino esas fako di medicino qua sorgas la korpala stando e la kuraco e prevento di traumati e lezuri sportala ed esforcala. Quankam multa sporto-klubi ja de multa yari engajas mediki por kuracar lia esquadi, tale nomizita "sportala medicino" developesis kom separita fako di medicino erste dum la fino dil 20ma yarcento.

Mediki preparas kamilo por transportar vundita atletino.

En kelka landi, sportala medicino ja esas agnoskata specalajo di medicino. La quanto de yari por obtenar specaleso en ca fako varias segun la lando. Nun, ultre profesional atleti, sportala medicino anke povas helpar irga persono qua deziras praktikar ula sporto.