Wageningen esas municipo e historiala urbo en centrala Nederlando, en la provinco Gelderland.

Strado en Wageningen

Ol esas famoza pro la Universitato di Wageningen, di qua la specalismo esas vivo-cienci. La municipo havis habitantaro 38.774 en 2019, ek qui multa mili esas studenti ek plu kam 150 landi.

Geografio redaktar

Wageningen situesas an la nordala rivo di la Nederrijn (la nederlandana parto de la Basa Rheno), parto de la Gelderse-valo (Nederlandane: Gelderse Vallei) e la Veluwe, di qua la sudwesta kolino nomesas la Wageningse Berg.

Wageningen esas atingebla per automobilo per l'autovoyi A12 per la N781, A15 per la N233 e N225, e A50 per la N225, e de fervoyo-staciono Ede-Wageningen per 20-minuta autobuso-veho a la centrala termino.