Universitato Brandeis

Universitato Brandeis esas privata usana resercho-universitato en Waltham, Massachusetts, Usa.

Signo che Universitato Brandeis

Fondita en 1948 kom ne-sektana, komuna-edukala universitato suportita da la juda komuneso, Brandeis establisesis sur la situo dil olima Universitato Middlesex.  L'universitato nomizesis pro Louis Brandeis, l'unesma juda judiciisto dil Supra Korto di Usa.

En 2018, ol havis entote 5.800 enrejistrita studenti en sua preurbana tereno de 95 hektari.  L'institucuro ofras plu kam 43 majora e 46 minora gradi, e du-triimi ek studento-klasi havas 20 studenti o min multa.  Ol esas membro dil Association of American Universities depos 1985 e dil Boston Consortium, qua kapabligas studenti kruc-enrejistrar su por asistar kursi che altra institucuri inkluze Boston-Kolegio, Universitato di Boston ed Universitato Tufts.

L'universitato havas forta foko ye liberal arti ed atraktas geografiale ed ekonomiale diversa studentaro, kun 72% de ne-internaciona studenti de altra stati usana, 50% de plen-tempa studenti recevas financala helpo, e 13,5% recevas la federala Pell-Grantajo.  Ol havas la okesma maxim granda internaciona studentaro di irga universitato en Usa.

Ex-studenti ed asociati dil universitato inkluzas l'olima "first lady" (prezidanto-spozino) di Usa Eleanor Roosevelt, Nobel-Premiizito Roderick MacKinnon, e Fields-Medaliizito Edward Witten, ultre stranjera statestri, Kongresani, guvernisti, diplomacisti, e recevinti dil Nobel-Premio, Pulitzer-Premio, Academy-Premio, Emmy-Premio, e MacArthur Fellowship.