Ta-Yuan (大宛, pinyin: dàwǎn, Dayuan o Dawan, lit. “Granda Yuan”) esis populo di Ferghana en Central Azia, qui mencionesis en la Chiniana kronikli Shiji ed en la Chiniana olima Dinastio Han historio Han Shu, pos la voyaji di Zhang Qian en 130 aK e la nombroza ambasadi qui sequis lu pose.

La Ta-Yuan (en Ferghana) esis un ek la tri avancita civilizuri di Central Azia qui existis cirkume 130 aK, kun Parthia e Greko-Baktria, segun Han Shu, la kronikli dil Olima Dinastio Han.

Segun ta kronikli, la Ta-Yuan esis urbana habitanti kun Indo-Europan aspekto, qui habitis en muragita urbi e kun "kustumi la sama kam olta di la Greko-Baktriani", rejio qua regnis Baktria en la nuna Afganistan. La Ta-Yuan esis fabrikisti ed amis vino.

La Ta-Yuan probable esis la decendanti di la Greka kolonii establisita da Alexandros la Magna en Ferghana en 329 aK, e prosperis en la Helena areo di la Seleucidi e Greko-Baktriani, til li izolesis da la ekmigri di la Yueh-Chih cirkum 160 aK. Ol anke esas posibla ke la nomo "Yuan" simple esas transliterigo di la vorti "Yona" o "Yavana" uzata en anciena Azia por referar pri Grekiana ("Ioniani"), do la vorto Ta-Yuan (lit. Granda Yuan) signifikus "Granda Ioniani".

On skribas la vorto Ta-Yuan 大宛 en Chiniana literi.

Kavalo di la Tarda Dinastio Han (1ma - 2ma yarcento aK

Extera ligilo redaktar