Suborno, segun kriminala yurocienco, esas krimino konsistanta ek ofrar pekunio o personal avantajo ad ula autoritatozo o publika oficisto por ke ulu ne facez, o facez agado quan lu mustas facar, o ne facar, segun la devi di lua ofico. Koncernante guvernala agadi, suborno esas la transfero di valori ad ula autoritatozo kambie ofical agado por favorar ulu. Exemple, la reprezentanto di ula entraprezo qua vendas medikamenti povas subornar l'autoritatozo responsiva por komprar medikamenti por publika hospitali en ula loko, por ke lu komprez medikamenti de ca entraprezo, vice de altra konkurencanto. Suborno anke povas eventar inter privata agenti, exemple dum la komenco di la yari 1960a, kande kantisti e muzikisti subornis disk-jokei di radio-stacioni por ke ilu pleez lia muziki che radio en Usa, en skandalo nomizita Angle payola.

Pekunio qua trovesis celita en frigorizilo che domo di olima Usana kongresisto William J. Jefferson, arestita en 2009 por recevar suborni.
Praktikar suborno esas ambe nelegala e kontreetika agado.

Praktikar suborno esas ambe kontreetika e nelegala en la maxim multa loki. Tamen, la formo di puniso di ca krimino varias segun la legaro di singla lando.