Rutger Bregman

Rutger C. Bregman (n. 26 aprilo 1988) esas nederlandana populara historiisto e skriptisto.

Il editis quar libri pri historio, filozofio ed ekonomiko, inkluze Utopia for Realists: How We Can Build the Ideal World, qua tradukesis aden triadek lingui. Lua verki aparis en The Washington Post, The Guardian e che la BBC.

Bregman studiis che la Universitato di Utrecht e che la Universitato di Kalifornia en Los Angeles.

Bregman komencis laborar kom jurnalisto. Il esas l'autoro di Utopia for Realists: The Case for a Universal Basic Income, Open Borders and a Fifteen-Hour Workweek. Il skribas reguloze por la enreta jurnalo De Correspondent. En 2013 il receivis la yarala libro-premio de la penso-tanko Liberales por la maxim remarkinda ne-fiktiva libro en la Nederlandana.

Utopia for Realists: How We Can Build the Ideal World propozas plu produktiva ed equitatoza vivo surbaze di tri kern-idei qui inkluzas universal e senkondiciona bazala revenuo pagata ad omnu, kurta laborosemano de dekekin hori, ed apertita frontieri mondvaste kun libera kambio de civitani inter omna nacioni. En interviuvo kun la Montrealana jurnalo Le Devoir en septembro 2017, Bregman dicis: "por movar adavane, socio bezonas revi, ne inkubi. Ma homi esas atrapita en la logiko di timo. Sive Trump, Brekiro sive la lasta elekti en Germania, li votas kontre la futuro e vicee por solvi por remplasar ol, kredante ke la pasinto esis plu bona, surbaze di tote falsa mondo-vido: la mondo esis plu mala antee … la homaro pluboneskanta, standi di vivo, laboro e saneso anke. E ni devas apertar la fenestri di nia menti por vidar lo."

En januaro 2019, Bregman partoprenis debato che la Mondala Ekonomiko-Forumo en Davos, ube il kritikis l'evento pro lua foko ye filantropeso vice imposto-evito e la bezono di yusta imposti. Lua interveno esis vaste raportata e sequata che sociala reti.

Bazala revenuo redaktar

Bregman aprobe citas la usana propozo pri minima revenuo, propozita da prezidanto Richard Nixon en 1968, inter altri. Il anke citas kanadana projeto de 1974-1979 en Dauphin, Manitoba, qua provizore eliminis povreso. "La maxim populara studio pri l'efekti di bazala revenuo eventis en Manitoba inter 1974 e 1979 ube omnu recevis yarala “Mincome” (minima revenuo) de $9000 de la guvernerio, kun nula kondicioni."

Interviuvo kun Fox News TV redaktar

Bregman interviuvesis dal Fox News-prizentisto Tucker Carlson. Dum la diskuto il konfrontis sua hosto ke lu kom miliardiero, qua laboras por organizuro de miliardieri, apartenas al grupo quan il kritikas. Lua pledo por pagar imposti vice evitar oli do validesis anke por lu. Carlson semble expektis tote altra direciono dil interviuvo e klozis ol, e decidis ne brodkastar ol. Bregman registragis l'interviuvo per sua telefonilo. Pos sorgoze pripensar lo il decidis publikigar ol, pro ke ol helpis lua misiono por ekonomiala egaleso.