La Romana Republiko duris de 509 aK til 27aK.

Ye la 28ma di septembro 48 aK, Gnaeus Pompeius Magnus, politikala chefo di la Romana Republiko, asasinesis. Il esis membro del Unesma Triumvireso; la altri esis Marcus Licinius Crassus e Gaius Iulius Caesar. Ca triumviraro, fondita en 60 aK, esis ne-oficala ma ol esis influiva. Ol fortigesis per la mariajeso di Pompeius, qua esis richega, kun Iulia, filiino di Caesar, qua esis populara. Tamen la triumviraro ne duris: Iulia mortis dum parturo, e Crassus vinkesis ed ocidesis ye la batalio di Carrhae, kontre la Partian Imperio. Interna milito developis, inter Caesar e Pompeius. Pompeius fugis ad Egiptia, ube ilu asasinesis.