Reggaeton, anke reggaetón o reguetón esis muzikala stilo kun origino en Porto-Riko dum la yari 1990a. Ol evolucionis de dancehall ed influesis da Usana hip hop, e da Latin-Amerikana e Karibiana muziki. Ol populareskis multe dum la komenco dil yari 2000a. La kansoni ordinare havas parti recitata kom "rap", e parti kantata.

Daddy Yankee

La jenro reggaeton kreesis en 1991 da Portorikana disk-jokeo e kantisto Daddy Yankee, ensemble kun la disk-jokeo Pedro Gerardo Torruellas Brito, konocata kom DJ Playero, e la vorto esas kunfuzo inter la vorti reggae e "maraton(o)". Komence, la liriki parolis expliciti pri drogi, violento, povreso, amikeso, amo e sexuala relati. Komence, ca jenro nominesis "underground", e l'unesma kansoni enrejistresis en kaseti. Cirkume la duimo di la yari 1990a, la kaseti di "reggaeton" ja vendesis en butiki, ed ol populareskis meze yunaro de mez-klaso. Samatempe, DJ Laz e lua fratulo Hugo Díaz komencis plear reggaeton en noktala klubi di Florida.

La jenro populareskis en Hispana-parolanta landi vicina a Karibia, nome Porto-Riko, Panama, Dominikana Republiko, Kuba, Kolumbia e Venezuela. Drogi, violento e sexuo duras trovesar en reggaeton, ma altra temi, exemple romantika amo, nun aparas en multa kansoni.