Psikiatrio (de la Greka psiqué, "anmo", ed iatréia, "kuraco") esas fako de la medicino qua studias mentala morbi kun origini genetikala o nevrologiala, havanta kom skopo preventar, evaluar, diagnozar, kuracar e rehabilitar personi kun perturbi mentala, ed asekurar lia adapto a lia mentala standi. Ol anke studias l'encefalo e quo funcionas male en ol, ne nur mentala morbi.

Sigmund Freud
Emil Kraepelin

Du nekonciliebla idei influis l'evoluciono di la psikiatrio dum la 20ma yarcento: l'ideo pri organika o mem genetikala origino di la mentala morbi, qua kreskis nome pos la deskovro di la bakterio Treponema pallidum, qua produktas sifiliso; e l'ideo pri lua psikologial origino, nome pos la publikigo dil unesma libri da Sigmund Freud. L'idei "organicista" developesis nome en Germania, ube fondesis la Institut für Erbforschung ("instituto pri genetiko") en München. Kelka psikiatri ocilis inter ca du idei, exemple Emil Kraepelin, qua komence atraktesis da psikologiala tezi, e pose adoptis l'idei pri "organicismo" kande ilu klasifikis skizofrenio kom biologiala morbo, malgre la manko di nenormalesi anatomiala o histologiala en la maladi.

Wikipedio
Wikipedio
Wikivortaro explikas
ca rubriko
en altra lingui: Psikiatrio