Plaid Cymru

Plaid Cymru (pr. c. plaid kumri; oficale Plaid Cymru – Partiso di Wals, ofte referata simple kom Plaid) esas sociala-demokrata politikala partiso en Wals qua avancigas walsana nedependo del Unionita Rejio, interne dil Europana Uniono.

Plaid formacesis en 1925 e ganis sua unesma sideyo en la britaniana parlamento en 1966.

En 2018, la partiso havis un ek quar walsana sideyi en la Europana Parlamento, quar ek 40 walsana sideyi en la britaniana parlamento, 10 ek 60 sideyi en la Nacionala Asemblo por Wals, e 202 ek 1264 lokala konsilisti.

Plaid esas membro dil Europana Libera Alianco. La nuna duktero dil partiso esas Adam Price.

La skopi di Plaid Cymru segun olua konstituco esas:

   1. Avancigar Wals skope atingar nedependo interne dil Europana Uniono;
   2. Certigar ekonomiala prospero, sociala yusteso, e saneso dil natural ambiento, surbaze descentralista socialismo;
   3. Konstruktar nacionala komuneso surbaze egala civitaneso, respekto por diferanta tradicioni e kulturi, ed egala valoro di omna individui, senegarde lia raso, nacionaleso, sexuo, koloro, kredo, sexualeso, evo, habileso o sociala fundo;
   4. Krear bilingua socio per avancigar rivivo di la Walsana linguo;
   5. Avancigar la kontributo da Wals al globala komuneso ed atingar membreso dil Unionita Nacioni.