Parker Solar Probe
Parker Solar Probe esas kosmosondilo di Usa por observar la halono di la suno. La sondilo, nomizita por fizikisto Eugene Parker, proximeskos a min kam 9,86 sunala radii (6,9 milion km} de la centro di la suno.
La skopi di la misiono esas: studiar la fluo di energio qua varmigas la halono ed inicias la sunala vento; saveskar la strukturo e dinamiki di la magnetala feldi ye la fonto di la sunala vento; e saveskar quale energioza partikuli esas acelerata e transportata.
Ol lansesis ye 12ma di agosto 2018. Por gradope reduktar olua orbito cirkum la suno, la trajektorio inkluzas sep preterpasi di Venuso, di qui la lasta eventos en novembro 2024. La finala orbito esos tre elipsala, por ke la sondilo, por evitar domajo pro sunala radiadi, esos proxim la suno nur dum kurta periodi.
Ye 29ma di oktobro 2018, ol atingis disto plu proxim la suno kam irga altra sondilo. En aprilo 2021, ol unesmafoye renkontris la sunala halono.