Paco-pakti di Chapultepec
Tale nomizita paco-pakti di Chapultepec esis serio di pakti signatita che kastelo Chapultepec, en Mexikia, ye la 16ma di januaro 1992, qua finis l'interna milito di Salvador. La pakti establisis paco inter la guvernerio di Salvador e tale nomizita Fronto Farabundo Martí por la Nacionala Liberigo - FMLN. Reprezentanti de la guvernerio, rebeli de FMLN e reprezenteri de politikala partisi negociis la pakto sub tutelo de katolik-eklezio e del Unionita Nacioni. La mediaco facesis da Peruana diplomacisto Álvaro de Soto, qua reprezentis l'Unionita Nacioni.
La pakto havis 9 chapitri, qui kovris 5 fundamentala temi:
- modifiko en l'Armei Salvadorana, e desmobilizo di FMLN
- extingo la Nacionala Guardo, remplasita da la Nacionala Policistaro
- modifiko en la judiciala povo, e defenso di homala yuri
- modifiko en l'elektala sistemo
- adopto di ekonomiala e sociala politiki
L'obedio a la termi dil pakto facesis sub tutelo da specala misiono del Unionita Nacioni. Non-monata pafo-ceso adoptesis ye la 1ma di februaro 1992, e nulatempe violacesis.