Olimpiala Ludi en Montréal, 1976

L'Olimpiala Ludi en Montréal, 1976, od oficale la 21ma Olimpiala Ludi, esis internaciona plursporta konkurso qua eventis en 1976 en Montréal, Quebec, Kanada.

L'Olimpiala flago.

La Ludi komencis ye la 17ma di julio e finis ye la 1ma di agosto 1976 Partoprenis 6.028 atleti (4.071 viri e 1.247 mulieri) de 92 landi e teritorii qui havas Olimpiala komitati. Esis 198 eventi de 21 sporti.

Elizabeth la 2ma di Anglia, qua esas anke rejino di Kanada, inauguris la Ludi.

Selekto dil urbo

Olimpiala Parko di Montréal.

Ye la 12ma di mayo 1970 elektesis l'eventeyo di L'Olimpiala Ludi en 1976. Montréal ganis la konkurso kontre Moskva e Los Angeles.

Kandidata urbi por Olimpiala Ludi 1976 – rezulti:
Urbo	Lando	1ma baloto	2ma baloto
Montréal	Kanada	25	41
Moskva	Sovietia	28	28
Los Angeles	Usa	17	-

Kelka fakti

• Rumaniana Nadia Comăneci, lore evante 14 yari, recevis 10 punti e l'ora medalio por gimnastiko.
• Nikolai Andrianov, de Sovietia, ganis 4 ora medalii por gimnastiko por viri .
• Entote, Sovietia ed Est-Germania ganis plu multa ora medalii (49 e 40, rispektive) kam Usa (34).
• Taro Aso, qua esis chefministro di Japonia de 2008 til 2009, konkursis por Japoniana en la esquado por pafado vers emo.
• Proteste kontre la partopreno da Nova-Zelando en l'Olimpiala Ludi pos ke lua esquado exkursis en Sudafrika (lore sub la rejimo di apartheid), 32 Afrikana landi boikotis la ludi (videz mapo). Anke Irak e Guyana boikotis, proteste kontre la partopreno da Nova-Zelando.
• Kanada ganis nula ora medalii - nur 5 arjenta e 6 bronza. Unesmafoye la lando qua gastigis la Somerala Olimpiala Ludi ne ganis ora.
• Sovietana atleto Viktor Saneyev ganis lua 3ma ora medalio por triopla salto.
• Alberto Juantorena de Kuba divenis l'unesma atleto qua vinkis la 400-metra e la 800-metra kurado en la sama Ludi. Anke Finlandana Lasse Virén recevis du ora medalii, por 5,000-metra e por 10,000-metra kurado.
• Est-Germana Waldemar Cierpinski ganis ora medalio por maratono.
• Est-Germana esquado ganis ora medalio por futbalo.
• Femina esquado de Sovietia e maskula esquado de Usa ganis ora medalii por basketbalo.

Medalii ganita

Landi qui boikotis la Ludi
(flave) en 1976 en Montréal
(blue) en 1980 en Moskva
(rede) en 1984 en Los Angeles.

Est-Germana atleti Hans-Georg Reimann (centre) e Waldemar Cierpinski (sinistre) e skermisto Karl-Heinz Müller (dextre).

Yen la listo di landi qui recevis adminime 1 medalio en Montréal en 1976.

#	Lando	Ora	Arjenta	Bronza	Entote
1	Sovietia	49	41	35	125
2	Est-Germania	40	25	25	90
3	Usa	34	35	25	94
4	West-Germania	10	12	17	39
5	Japonia	9	6	10	25
6	Polonia	7	6	13	26
7	Bulgaria	6	9	7	22
8	Kuba	6	4	3	13
9	Rumania	4	9	14	27
10	Hungaria	4	5	13	22
11	Finlando	4	2	0	6
12	Suedia	4	1	0	5
13	Unionita Rejio	3	5	5	13
14	Italia	2	7	4	13
15	Francia	2	3	4	9
16	Yugoslavia	2	3	3	8
17	Chekoslovakia	2	2	4	8
18	Nova-Zelando	2	1	1	4
19	Sud-Korea	1	1	4	6
20	Suisia	1	1	2	4
21	Jamaika	1	1	0	2
21	Nord-Korea	1	1	0	2
21	Norvegia	1	1	0	2
24	Dania	1	0	2	3
25	Mexikia	1	0	1	2
26	Trinidad e Tobago	1	0	0	1
27	Kanada	0	5	6	11
28	Belgia	0	3	3	6
29	Nederlando	0	2	3	5
30	Portugal	0	2	0	2
30	Hispania	0	2	0	2
32	Australia	0	1	4	5
33	Iran	0	1	1	2
34	Mongolia	0	1	0	1
34	Venezuela	0	1	0	1
36	Brazilia	0	0	2	2
37	Austria	0	0	1	1
37	Bermudi	0	0	1	1
37	Pakistan	0	0	1	1
37	Porto-Riko	0	0	1	1
37	Tailando	0	0	1	1
Totali		198	199	216	613