La bomb-atako en Oklahoma-Urbo esis interna teroristala kamiono-bombardo kontre la federala Alfred P. Murrah-Edifico en central Oklahoma-urbo, Oklahoma, Usa ye la 19ma di aprilo 1995.

La Murrah-edifico pos l'atako del aero

Exekutita da Timothy McVeigh e Terry Nichols, l'atako eventis ye 9:02 am ed ocidis adminime 168 homi, vundis plu kam 680 altri, e destruktis un-triimo del edifico.

L'explozo destruktis o domajis 324 altra edifici en radiuso de 16 bloki, frakasis vitro en 258 proxima edifici, e destruktis o brulis 86 automobili, e produktis evaluita $652 milion de domajo.

Til l'ataki di la 11ma di septembro 2001, la bombardo di Oklahoma-Urbo esis la maxim mortigiva teroristal atako en la historio di Usa, e restas la maxim mortigiv ago di interna terorismo en la historio di Usa.

90 minuti pos l’explozo, McVeigh haltigesis dal Oklahoma-policano Charlie Hanger pro duktar sen licenco-plako ed arestesis pro kontre-lega armo-posedo. Evidentajo rapide ligis McVeigh e Nichols al atako; Nichols arestesis, e pos dii, amba akuzesis. Michael e Lori Fortier identifikesis kom komplici.

McVeigh, veterano dil Gulfo-Milito e simpatianto dil usana milico-movado, detonigis Ryder-kamiono plena de explozivi avan l’edifico. Lua kun-konspiranto, Nichols, helpis pri la preparo dil bombo.

Motivizita da lua desprizo dil usana federala guvernerio e nefelica pro olua trakto dil eventi ye Ruby Ridge en 1992 e la Waco-siejo en 1993, McVeigh tempizis sua atako por koincidar kun la duesma aniversario dil mortigiva fairo qua finigis l’asiejo che la Branch Davidian-kirko en Waco, Texas.

L'akuziti procesesis e kondamnesis en 1997. McVeigh mortigesis per mort-injekto ye la 11ma di junio 2001, e Nichols kondamnesis a vivo en karcero en 2004. Michael e Lori Fortier atestis kontre McVeigh e Nichols.