Mexicali
Mexicali esas la chefurbo dil Mexikiana stato Baja California e la sideyo dil municipo Mexicali.
L'urbo Mexicali havis habitantaro 689.775 en 2010, dum ke la habitantaro dil metropolal areo esas 996.826; tale ol esas la duesma maxim populoza urbo en Baja California.
L'urbo mantenas alte edukita e habila populo; ol moderneskas e divenis importanta populo-centro en ta dezerto-regiono.
Fondita ye 14 marto 1903, Mexicali situesas an la frontiero inter Mexikia ed Usa, adjacanta l'usana urbo Calexico, Kalifornia,
L'ekonomio di Mexicali historiale fondesas sur agrokultivala produkturi, e ti restas granda sektoro dil ekonomio. Tamen, l'ekonomio movis gradope de agrokultivo ad inkluzar industrio, chefe maquiladoras - senimposta fabrikerii en qui parti de Usa importacesas, asemblesas, e lore retrosendesas ad Usa kom finita produkturi.
Mexicali divenis la nacionala centro dil aerospaco-industrio en Mexikia kande Rockwell Collins establisis operaco ibe en 1966.