Mazda
Mazda (Japoniane: マツダ株式会社 , Matsuda Kabushiki-gaisha) esas plurnaciona automobila fabrikanto kun sideyo en Fuchū, prefektio Hiroshima, Japonia. Ol fondesis en 1920 por fabrikar utensili de korko, ed en 1929 ol komencis fabrikar industriala mashinaro. En 1931 la kompanio komencis fabrikar vehili. La nomo Mazda originis de Ahura Mazda, Sinioro di la Sajeso e deo di la kreado por Zoroastrismo, ed anke de la nomo di lua fondero, Jujiro Matsuda.
En 2015-2016, Mazda produktis 1 534 000 vehili, di qui preske 1 miliono produktesis en lua fabrikerii en Japonia, esinta la 15ma maxim granda automobilala kompanio segun produktado mondala ta yaro. Dum ca periodo, ol enfakturigis entote 25 610 milion Euri.[1]
Nun, la kompanio expansas lua produktado exter Japonia, e havas kom skopo plugrandigar l'efikiveso e kontrolar lua kusti di produktado. Ol developas serio di teknologii surnomizita SKYACTIV, kun skopo plubonigar l'uzo di energio da lua vehili por diminutar l'uzo di fuelo. En 2017, ol judikesis kom un ek la maxim fidinda kompanii de la mondo.
En 2018, ol vendis 5% de lua acioni a la kompanio Toyota.
Historio redaktar
Mazda fondesis ye la 30ma di januaro 1920, kun la nomo Toyo Cork Kogyo Co., Ltd, en Hiroshima. En 1931 ol cesis la produktado di utensilomashini, por produktar vehili, esante l'unesma modelo nomizita Mazda-Go, hibrido de motorciklo e kamioneto. Dum la duesma mondomilito, Toyo Kogyo produktis armi por Japonian armeo, nome la fusilo Tipo 99.
Ye la 6ma di agosto 1945, Hiroshima subisis bombardo per atomobombo. L'industriala komplexo Toyo Kogyo CO Ltd, distanta de la centro dil urbo, ne subisis destrukto, e mem uzesis kom improvizita hospitalo por helpar la viktimi. Tamen, cirkume 200 ek lua laboristi mortis pro l'atomala bombardo. Ca tragedio divenis divido-punto en la historio di la kompanio, e dum la fino di 1945 la kompanio itere komencis produktar 3-rota komercala vehili.
Dum la yari 1960a, inspirita en la Germana automobilo NSU Ro 80 e diferante de altra Japoniana fabrikanti, la kompanio decidis produktar automobili qui uzis la motoro Wankel. L'unesma modelo esis Mazda Cosmo Sport, de 1967. Pro ta esforco, la kompanio komencis divenir mondale konocata, ed exportacis lua vehili, sive kun motori Wankel, sive kun pistona motori.
De 1974 til 2015, Mazda havis asocio kun Ford Motor Company, qua kompris 24,5% ek lua acioni en 1979, pose augmentanta sua partopreno a 33,4% en 1995[2].
Referi redaktar
- ↑ Aguilera, Alfonso:Mazda cierra su año fiscal con récord de ventas y beneficios en sus casi 100 años de historia Publikigita da Vozpópuli. Idiomo: Hispana.
- ↑ Mazda Annual raport 2017 - Publikigita da Mazda Motor Corporation. Pag.: 59