Marshall McLuhan
Herbert Marshall McLuhan (21 julio 1911 - 31 decembro 1980) esis kanadana filozofo.
Lua laboro esas importantega en la studio di komunikilo-teorio.
Naskinta en Edmonton, Alberta, McLuhan studiis che la Universitato di Manitoba e la Universitato di Cambridge. Il komencis sua doco-kariero kom profesoro dil Angla che plura universitati en Usa e Kanada, ante movar al Universitato di Toronto en 1946, ube il restis dum sua cetera vivo.
McLuhan inventis l'expresuro "the medium is the message" (la komunikilo esas la mesajo) e la termino "globala vilajo", e predicis la interreto preske 30 yari ante ke ol inventesis.
Il esis importanta en diskurso pri komunikili dum la tarda 1960a yari, ma lua influo deskreskis dum la frua 1970a yari. Dum la yari pos lua morto, il duris esar kontroversala figuro en edukala medii. Lor l'adveno dil interneto, intereso rikreskis pri lua laboro e perspektivo.
Frua vivo redaktar
McLuhan naskis ye 21 julio 1911, en Edmonton, Alberta, ad Elsie Naomi (n. Hall) e Herbert Ernest McLuhan; amba naskis en Kanada. Lua fratulo Maurice naskis du yari pose. "Marshall" esas la familionomo di lua matrala avino. Lua matro esis skolala docisto qua pose divenis aktorino; lua patro esis Metodisto e havis imoblo-komerco en Edmonton.
Ta komerco faliis kande la Unesma Mondo-Milito eruptis, e lua patro adheris la Kanadana Armeo. Pos yaro de servo, il aquiris influenzo e restis en Kanada, fore de la fronto-lineo. Pos lua desengajeso del armeo en 1915, la familio McLuhan translojis a Winnipeg, Manitoba, ube Marshall kreskis ed asistis skolo, Kelvin Technical School antee enrejistrar su che l'Universitato di Manitoba en 1928.
Che Manitoba, McLuhan exploris sua konfliktoza relato kun religio e studiis literaturo por "satisfacar la hungro di sua anmo a vereso e beleso,"; il pose referis a ta fazo kom agnostikismo. Pos studiar dum un yaro kom injenioro-studento, il chanjis grado-temi e ganis grado en 1933, plus Ora Medalio di Arti e Cienci. Il ganis maestro-grado 1934 pri Angla che l'Universitato di Manitoba en 1934. Il longe dezirabis studiar la Anglia ed il aceptesis che l'Universitato di Cambridge, ja faliinte sekurigar Rhodes-stpendio por Oxford.